Alfons Wićaz jo pšašał jadnaŕku LND Marku Maćijowu za rezultatami łońskego lěta a za lětosnymi nadawkami nakładnistwa.

Co jo za Was było to nejwažnjejše a nejwuspěšnjejše łoni?

Marka Maćijowa: Ja mam za nejwěcej raźone, až někotare (górno)serbske awtory a awtorki maju nowe knigły, mjazy nimi Lubina Hajduk-Veljkovićova krimi „Módre buny“, Kśesćijan Krawc „Sej statok stajili“, Benedikt Dyrlich prědny źěł swójeje awtobiografije „Doma we wućekach I“ we serbskej a nimskej rěcy kaž teke na pólu źiśeceje literatury Jurij Koch a Jěwa-Maria Čornakec nagromadu dwóje knigły. To su naše lazowarje derje pśiwzeli.

Co njejo se łoni derje raźiło a dla cogo?