Z Wětošowa/Vetschau. How su serbske kśesćijany dnja 13. septembra namšu swěśili w serbskej cerkwi. Faraŕ Kśenka z Janšojc jo prjatkował, cytali su Lothar Burchardt z Drjenowa, Tim Šmit z Mósta a Kati Sprigodojc z Města. Tej slědnej stej na harmonijumje a ze spiwanim z muzikaŕku Sung Rin Park (orgele) muzikaliski pśewóźowałej namšu.

We srjejźi jo stojał faraŕ Benjamin Běgaŕ, pśi góźbje jogo 75. pósmjertnego dnja. Wušej togo su swěśili 25. jubilej Spěchowańskego towaristwa Serbskeje cerkwje we Wětošowje. Pó namšy su wósadniki se wupórali na kjarchob, ab cesćili Běgarja ako ma tam cesny row. Šołta Bengt Kanzler (bźez partaje) jo był mjazy gósćimi a jo struse połožył na row. Faraŕ Kśenka jo wulicował ze žywjenja Běgarja (jogo pśinosk lazujośo spózy). Wše su pón znak šli do cerkwje a su se woglědali film wó Spěchowańskem towaristwje a kafej pili.

Pomocniki z Janšojc