Su nagrawali kjarliža

Z Gołkojc/Kolkwitz. Dnja 13. oktobra su w Himpelojc študiju zachopili nagrawaś kjarliža „Ty wuglaźiś žwały“ („Du glättest die Wogen“) a „Gótujom swój měr“ („Ich mache meinen Frieden“ wót Gerharda Gundermanna). To jo produkcija Serbskego rozgłosa (rbb), redaktor Gregor Kliem jo to nawjedował. Na klawěrje jo był Tim Šmit, Ingolf Kśenka a Kati Sprigodojc stej spiwałej, Esther Budišinojc na cello a teke druge su muzicěrowali. Premjera spiwowu jo dejała byś na adwentskem koncerśe dnja 6. decembra w Slěpem. Koncert jo wótgronjony, spiwa pak buźotej słyšaś w radiju. „Ty wugłaźijoš žwały“ jo jatšy prědny raz zazněł na rozgłosowej namšy. Cuju se cesćony, až Gregor jo pśiwzeł naš impuls a procowanja Kupki „Serbska namša“.

Źeń reformacije