Manfred Starosta jo wjelesym znaty ako słownikaŕ. Młogi znajo jogo hyšći ako lektora za dolnoserbšćinu na Lipsćańskej uniwersiśe. Wón buźo něnto 75 lět – pśi tej góźbje comy Wam pitśku něco wót njogo wulicyś.

Wótrostł jo w Janšojcach

Naroźił jo se Manfred Starosta dnja 20. junija 1941 w Janšojach. Jogo nan jo padnuł we wójnje. Ako jo se mama drugi raz ženiła, jo mały Manfred pśišeł k starjejšyma mamy. Tak jo wótrostł „na łukach“, „wu Šamelic“. Atmosfera tam jo serbska była, a stara mama jo ceły źeń serbske arije spiwała. Stary nan jo był wjelgin pomocliwy, jo Manfred wulicował. Gaž něcht jo w nocy zaklapał do źuri, jo wón wótcynił a gaž sused jo tam stojał a trjebał pomoc z krowu – no, ga su pśišli na pomoc.

Kubłanje