Lěšće/Hornow. Familija Dörry jo gano kazała na 7. swěźeń na „Małem dwórje“. Liane a Andreas Dörry stej rolnikarja a rucnikarja a matej wjele wušej za regionalny turizm. Gromaźe ze starjejšyma, ak bydlitej prěki na „Dolnoserbskem burskem dwórje“, pśedawaju swóje produkty na markach w Chóśebuzu, Grodku, Wórjejcach a Slěpem. Zeleninu, samogótowany twarožk, samopjacony klěb a druge wěcy pśedawaju teke na swěźenjach w Lěšćach, ak se jadno lěto pśewjedu na dwórje starjejšeju, a druge lěto na „Małem dwórje“. Lětosa su byli młode luźe na rěźe. A tenraz jo pcołkarstwo stojało prědku. Pcołkarje z wokolnych jsow su pśedawali mjod a drugego wěcej. Wjeliki jo był nawal na burskem marku a wjeleserake su byli kulinariske speciality. Woglědarje su woglědali bursku techniku a stupili nutś do groźow abo jězdźili z traktorom. Dopołdnja jo grała kapała z Grodka, wótpołdnja dujarje z Wjelceje. Pśijaśele Grodkojskego kluba za pśěźenje su pśišli z kólaskami samo z Barlinja a Drježdźan. Raz wob mjasec zmakaju se pśěźarnice w „Małej dwórnej loźe“ wót Liane Dörry.