Lětosa jo se wušej 18 młoźinskich kupkow a towaristwow procowało wó titel „Nejrědnjejšy majski abo swětkowny bom 2024“. Procowańske pódłožki su byli raz
wobšyrne, raz wěcej spartaniski wugótowane. Wósebnje dla togo njejo rozsud wó mytowanju młoźinskemu koordinatoroju Domowiny Tobias Ungeroju
a młoźinskej redaktorce Nowego Casnika Konstanze Kušcyc lažko pśišeł. Někotare kupki a towaristwa su pódłožki cele serbski, druge pak źělnje serbski wótedali.
Młoge su jano fota pósłali, a tak su wažne informacije felowali; na pśikład wusokosć boma, licba pomocnikow abo wašnja stajanja majskego boma – z ruku abo z mašinu.
