Njeźelu, 28. apryla, su se zmakali gólcy dešańskeje młoźiny, aby wobstarali jedłowe gałuzki. Wótpołdnja jo se wjele cłonkow młoźiny wobźěliło na wiśu wěnca a girlandy. Trjebali su młodostne za to dwa dnja, aby to wšykno dogótowali.
Dnja 30. apryla su wejsanarje a cłonki młoźiny majski bom wesrjejź jsy stajali. Wón jo 20,08 mejtari dłujki. Pśed stajanim jo se wěnc z tradicionelnymi banśikami w serbskich barwach wupyšnił a źěra jo se ryła. Pótom jo se majski bom z pomocu trjekarja stajał, gólcy z młoźiny su jen na powrjozach wurownali. 27 luźi jo se na stajanju dešańskego majskego boma wobźěliło.
