Z Města/Cottbus. W chóśebuskem Załožaŕskem centrumje Startblock B2 jo Góspodaŕski region Łužyca 15. julija pócesćił dogromady 44 projektowych idejow, kótarež budu z až do 50.000 eur preměrowane za pśewjeźenje socialne, kulturne abo medialne napšawy k strukturnej změnje we Łužycy. Wše projekty pśewjedu se z wobźěleńskego fondsa, kótaryž wucynijo cełkownje 923 tysacow eurow zwězkowych a krajowych srědkow. Fachowa jury jo wobstojała z 15 zastupnikow z wokrejsow, bźezwokrejsnego města Chóśebuz a komorow. Wobźěleński fonds Bramborska jo financěrowany z tak pomjenjoneje spěchowańskeje směrnice STARK Zwězkowego ministaŕstwa za góspodaŕstwo a klimowy šćit ako teke kraja Bramborskeje. Procowali su se za swójske projekty źiśownje, towaristwa, załožarje start-upow, šule, wusokošule ako BTU Chóśebuz-Zły Komorow a druge. Cil togo fondsa jo kreatiwne ideje pódpěraś a wjelerakosć Łužyce zmócniś. „Startowy pśipłaśonk za w aprylu pśigótowany wobźěleński fonds Bramborska jo se zglucył z maksimalnje do 50.000 eurow na projekt.