Naše serbske žnjowne nałogi póśěguju se na zakóńcenje trajdowych žnjow. Wuspěšne žni su byli stolěśa dłujko garantija za pśežywjenje burskeje ludnosći w zymje. Luźam jo była wótwisnosć wót pśirody wjelgin wědobna. Togodla su se teke toś te nałogi z tatańskim póchadom pśez stolěśa zdźaržali a su se wót generacije ku generaciji dalej dawali. W casu kśesćijanizacije su se někotare nałogi kśesćijańskim swěźenjam pśiměrili, ale se w swójom spócetnem zmysle zdźaržuju.
W Bramborskej woplěwaju głownje młoźinske kupki na jsach teke lětosa zasej slědujuce žnjowne nałogi:
To su: - zabijanje kokota
- łapanje kokota
- rejtowanje wó kołac