Z Města/Cottbus. Su prozniny a to groni, až teke Kita-lěto se chylijo ku kóńcoju. W chóśebuskej Witaj-źiśowni „Villa Kunterbunt“ buźo wót 29. julija do 9. awgusta „njewótwórjony cas“ (Schließzeit). Ten se wužywa za twaŕske źěła na tom domje na Seminarnej droze 4. Dostanu nowe wokna, kupka 1 dostanjo nowe špundowanje, pózdźej dostanu teke prězne źurja nowe mazanje. Tak buźo se w nowem kita-lěśe wšo w nowem błyšću prezentěrowaś. Daś pak nejpjerwjej glěda se krotko prědk na zachadne kita-lěto.