Pśed 70 lětami jo se Cornelia Meškojc w Picnju naroźiła. Wótrosła jo wóna w Janšojcach a jo była tomu serbskemu južo pśecej nutśnje pśichylona. Až do kóńca jo teke ze swójeju mamu Lizka Meškowa, kótaraž jo łoni wumrěła, serbski powědała.
Napśecej pak njejo ju nic źaržało w Janšojcach. Ako maś dweju źowkowu jo ze tencasnym mužom w Makedoniskej w uniwersiśe źěłała a jo wucyła nimšćinu. Zachopjeńk 1990ych lět jo ju śěgnuło k Pódpołnocnemu mórju, źož jo źěłała ako ceptaŕka za nimšćinu a stawizny.
Pśed źaseś lětami jo jeje puś ju zasej domoj, na starjejšyny dwór wjadł a wót togo casa jo se starała wó mamu. Ku jsy a Janšowarjam jo malsnje zasej zwězanosć namakała.
Zagóriśe spiwa Cornelia w Janšojskem žeńskecem chorje a cesnoamtski angažěrujo se w Serbsko-nimskem domowniskem muzeju Janšojce. Wšojadno co se stanjo we jsy, Cornelia jo ned na městnje a pódla.