Kótare artikele namakajomy w septemberskem wudaśu Płomjenja?

Na zachopjeńku šulskego lěta wulicuju źiśi w šuli zawěsće hyšći wjele wó swójich drogowanjach a wulětach, kenž su w prozninach cynili. Teke w Płomjenju take zajmne městna pśedstajijomy. Dajomy se na drogu do Pódstupima, do Graal-Müritza w Mecklenburg-Pśedpomorskej a samo do Granady na pódpołdnju Špańskeje! Wušej togo mamy mjazy drugim teke zajmny artikel wó małem twaŕskem mejstarju na roli. W tom zgóniju wuknice a wukniki zajmnostki wó pólnem zemcygarju.

Grajo w Płomjenju teke zachopjeńk šule jadnu rolu?

Se wě! Mamy kwis „Kaki sy wuknik/Kaka sy wuknica“. Gaž źowća a gólcy spšawnje wótegroniju na pšašanja, pón zgóniju, co južo pšawje ako wukniki gótuju, abo co mógu ewentuelnje hyšći lěpjej cyniś. Mimo togo dajo wulicowanje wó prědnem dnju w šuli a to mógu sebje zajmce teke pśez QR-code wótsłuchaś.

Chto pśedstajijo se tenraz cytaŕkam a cytarjam Płomjenja?