Z Drjowka/Drebkau. Drjowk słuša k serbskemu sedleńskemu rumoju. How se namakaju we wjele měsćańskich źělach hyšći wjelgin žywe slědy serbskego žywjenja. Něnto jo se teke nejwětšy swěźeń města Drjowka ze serbskim žywjenim wobogaśił. Serbski swajźbaŕski pśeśěg z Mósta jo sobotu wugótował wustup wót rowno wuswěśonego drjowkojskego groda pósporomje Głowneje drogi k radnicy a pón na mark. Sta pśiglědarjow jo było pśi kšomje drogi a na swěśenišću.