To, což rowno dožywijomy na swěśe, jo tšašnje: napadowańska wójna agresora Putina na Ukrainu a wójna teritoriuma a wěry dla w Israelu a Palestinje. A teke pśi nas se wjele agresije a njespokojnosći wjerśi wokoło nam cuzeje kultury žydojstwa a islama. To wšo mě wjelgin mucy. Kaku wudrogu by dało? Wšykne religije wótpóraś? To som raz słyšała. Ale NĚ, to zawěsće njejo žedno rozwězanje. A to teke zewšym njejźo, tak by teke Boga wótpórali. A to NJEJO móžno, bźez Boga swět njamóžo eksistěrowaś. Bog ten Kněz jo reelny, teke, gaž njamóžomy jogo wiźeś abo dotyknuś. Ale cuś a dožywiś jogo móžomy, gaž jano našu wutšobu wótwórijomy.