Z Města/Cottbus. Zajźonu srjodu jo město Chóśebuz a jogo wušy šołta Tobias Schick pśepšosył na nowolětne pśiwitanje do Měsćańskeje hale. Wušej 1.000 luźi z politiki, góspodaŕstwa, kultury a cestnoamtskego žywjenja jo pśichwatało, aby dožywiło krotkocasny a spódobny kulturny program z moderatorku Ulrike Finck wót rbb.

Ned na zachopjeńku jo zagronita za serbske nastupnosći, Anna Kosacojc-Kozelowa, nic jano z moderatorku, ale z cełym zalom zwucowała serbske mě města Chóśebuz fonetiski pšawje wugroniś. Slědował jo pśechwatajucy wustup z Górneje Łužyce póchadajuceje band „Popsorben“, kótaraž jo serbskemu źěloju programa titela „Quo vadis, Łužyca“ a „Sorbenjung“ dodała, a pózdźej na tom wjacoru k reji zejgrała. Mimo togo stej Big Band konserwatoriuma a baletowa šula Werhun pśiwitanje kulinariski wobogaśiłej.