Luba redakcija Nowego Casnika,

źinsa wjacor som musał pitśku se źiwaś, ako som lazował artikel na drugem boce aktualnego wudaśa. Nic jano až som skóńcnje namakał nowosći akle w šestem wótstawku, až zgromaźina měsćańskich wótpósłańcow jo něco wótgłosowała. Mě se teke zda, až artikel jo bejnje jadnobocny abo nanejmjenjej se pśichylony.

Lěcrownož zaźaržanje AfD dlej a wěcej se wujasnjujo, lazowarje njezgóniju, cogodla druge frakcije se mysle, až toś ten kšac jo notny: Wšykne šule muse pśidatne wukniki pśiwześ. NC mjenujo dweju cłonkoju AfD z mjenim, kótarejž stej byłej wuknika DSG a togodla stej pśeśiwo toś tomu planoju. Snaź zajmne, ale co jo z tymi drugimi frakcijami? Njamaju tež wóni absolwenty? Co wóni se mysle? Lěwica se howac pśecej za Serbow angažěrujo, pišo kněz Adam, ale weto jo ten plan pódpěrała. Cogodla ten- raz nic? Ja by to rad lazował. Jano Ulli Wünsch (AfD) jo direktnje citěrowany. Až wón ma doktora a AfD ma dweju gójcowu – za co jo to wažne? Te druge partaje njekrydnu samske wobchadanje.