Stare lěto 2024 jo měło se woklapaś a nowe lěto2025 jo měło se pówitaś. Co lěto 2025 dokradnje za Dešno a Strjažow pśilubijo – taki wuglěd su dali nowy šołta Nico Jarick a towaristwowe pśedsedarje wobeju jsowu.

Dnja 10. januara jo nejpjerwjej w Dešnje była woklapnica. W gósćeńcu „Serbski dwór“ jo se pśinamakało něźi 120 Dešanarjow, aby słuchali na rozpšawjenje šołty. Ale nježlic wón jo na rěźe był, jo powědała jogo zastupnica Katja Hoffmannowa a jo gósći póstrowiła w serbskej rěcy. Teke wósebnych gósći jo wóna witała, kótarež su slědowali pśepšosenjeju Nica Jaricka. Mjazy nimi jo była politikaŕka Maja Wallenstein (SPD), politikaŕ Michael Rabes (CDU), z bórkojskego amta amtski direktor Tobias Hentschel, amtski wjednik twaŕskego amta Matthias Koal a nowa amtska wjednica za turizm Inge Bauerowa. Mimo togo wikar Jakob Simon a Cathleen Bürgeltowa wót Ministaŕstwa za wědomnosć, slěźenje a kulturu (MWFK), ako jo nowa referentka zagronitego za serbske nastupnosći w Bramborskej.

Měch kulkow a infor-

macije wó bóśonach