Z Husa/Maust. Sobotu, 8. měrca, njejo se jano swěśił mjazynarodny źeń žeńskich, ale teke wjeliki zapust w gmejnskem źělu Hus gmejny Gatojce. To jo był 125. zapust we tej małej jsy, na kótaremž jo se wobźěliło dogromady 61 pórow a 17 źiśi.

Njebjo jo było módre, te temperatury spódobne – tak su zeger 13:00 wumaršěrowali ze swěźeńskego stana pśi gmejnskem centrumje jsy. Pśewóźowany wót Błośańskich dujarjow jo se pórał wjeliki zapustowy pśeśěg pó Husu.

Foto-Kliche jo stajiło wjeliku tribunu, aby mógało wšykne póry derje zapópadnuś. Stacije pśeśěga su pótom byli pśi gmejnskich zastupnikach, źěłaŕstwo wugbajucych a sponsorach. Tam jo se rejowało a pśecej jo teke była góźba za rozgrona. Teke paleńc jo se póbitował – ga ako źěk za pódpěru.

Wjacor jo wuklincał wjeliki zapust w swěźeńskem stanje z rejami. Muziku k tomu jo grała Neo Partyband.