Z Dešna/Dissen. Tśeśi raz jo wuběrk za serbske nastupnosći we wokrejsu Sprjewja-Nysa wobradował, tenraz srjodu, 5. měrca, w Dešnje. Jaden dypk dnjownego pórěda jo było głosowańske pšawo za na wuběrku wobźělonych wěcywuznatych wobydlarjow pśi wótgłosowanjach, kótaremuž su cłonki wuběrka jadnogłosnje pśigłosowali. Wótněnta mógu toś te wobydlarje pśi wótgłosowanjach swójo měnjenje k wótpowědnym temam zwurazniś a sobu wótgłosowaś.