To se njestanjo cesto, až južo wukniki zakładeje šule sami knigły wugótuju. Stało jo to se pak lětosa z knigłami „Wendenkönig. Irrlicht. Lutk“. Za wětšy part serbske powěsći su se tam napisali a wulicowali. Gótowali su to 16 wukniki zakładneje šule Bryland/Friedland a 7 wukniki tšupcańskeje zakładneje šule. Su měli wob cełe šulske lěto rědne zgromadne projekty, su pak teke wjele za sebje źěłali, aby take něco nastaś mógało.

Te wukniki su sami serbske powěsći wulicowali. Tšupcańske se južo wuznaju a su sami swóje wersije jim znatych serbskich powěsćow napisali – a teke do mikrofona powědali. Te knigły ga njejsu „jano“ knigły, ale teke słuchoknigły. To groni, až jadna cejdejka pśipódla jo, źož su te wulicowańka wuknikow nagrawane. Wulicowane a napisane njejsu te powěsći jano w nimskej rěcy, ale někotare teke serbske.

W Brylańźe su se zaběrali ze starymi knigłami, źož su pjerwjej napisali tam hyšći žywe powěsći wót plona, serbskego krala a drugich.