Picnjo/Peitz. W Picnju buźo w septemberje zejźenje „Strukturowa změna we Łužycy: Wizije pśichoda za Picnjo a wokolinu“. Młode architekty a planowarje ruma (Raumplaner) wót uniwersity w Liechtensteinje su se w lěśojskem semesterje togo lěta zaběrali ze pśichodom našych stronow. Ceło prědku stoj pšašanje, kak buźo w picańskich stronach dalej hyś pó kóńcu janšojskeje milinarnje. Ta milinarnja ga dej wót lěta 2017 kšac pó kšacu byś wótšaltowana. Młode študańce a jich docenty su w měrcu woglědali k nam. Wóni su se informěrowali a wuwijali ideje za cas pó ekonomiskej a strukturowej změnje. Wóni budu je pśedstajiś stwórtk, 8. septembra, w awli picańskeje zakładneje šule „Mozaik“. Wót zeger 15:00 do 19:00 budu profesor Peter Droege wót liechtensteinskeje uniwersity, Bernd Heibel wót Zwězkowego ministarstwa za ekonomiju a energiju a dalšne powědaś. Pódla budu teke pśedewześarje z našych stronow, kótarež sebje a swójo źěło pśedstajiju.