Pśed 71 lětami jo se pokazało w městoma Hirošima a Nagazaki, kak daloko pśiźo luź, kenž njama žeden respekt. We wšyknych wójnach wužywaju bomby pśedewšym pśeśiwo ciwilistam, ale tencas w Japańskej jo kśěło wjednistwo USA mimo togo z pomocu atomoweju bombowu swóju móc pokazaś, lěcrownož wójna jo se chylała južo ku kóńcu.

Pilota stej byłej kśesćijańskeje wěry a togodla źinsa se njegóźi za kśesćijana, pśeśiwo islamoju polemizěrowaś, gaž islamski terorist zamordujo njewinowatych luźi. Pilot tegdejšego casa a terorist źinsajšnego dnja matej samski brach: wobej wumějotej jano wjelgin wobragranicowanje z drugimi gromaźe se žywiś, dokulaž wobyma póbrachujo respekt.