Ewangelski swěźeń we Wuježku

Sobotu, 20. awgusta, buźo we Wuježku pód Carnobogom 12. swěźeń ewangelskich Serbow. Zmakanje buźo zeger 13:00 pla Krygaric (Wuježk/Wuischke/Hochkirch numer 31A). Wóttam buźo nejpjerwjej drogowanje na Carnobog. Zasej slědk we Wuježku, buźo tam na Pawlikojc dwórje zeger 17:00 nabóžnina ze serbskim superintendentom Janom Malinkom. Wót zeger 18:00 buźo swěźen z kupku Podka z Drježdźan. W brožni buźo bufet pśigótowany, źož kuždy móžo rad něco stajiś, což jo doma warił abo pjakł. Teke tykańc za kafejpiśe jo witany. Grońśo do togo pśez telefon, lěc maśo take něco prědk: 035939-80502. Kužda pomoc jo witana. Chtož trjeba transport, dej se teke pód tym numerom pśizjawiś. Na Krygaric dwórje (abo we gumnyšku) wobstoj móžnosć sebje tam stan stajiś a pśenocowaś.

Kokoty zwenka janšojskego festiwala

Sobotu, 20. awgusta

Zeger 15:00 na łuce we jsy, do togo łapaju źiśi swójogo kokota.

Zeger 14:00 na Šulśic sćernišću na Kwětkownej droze.