Eisteddfod Genedlaethol Cymru jo nejwažnjejšy festiwal walizarjow. Chtož co mjazy Walizarjami znaty byś, trjeba na tom festiwalu stojnišćo abo wustup. Coš-lic pak na Eiseddfoźe stojnišćo měś, musyš walizišćinu rozměś. Eisteddfod ma tradiciju z lěta 1176. Kužde lěto ma niźi 160 000 woglědarjow. Fota: B. Pittkunings 
Pśed lětom jo lěbda něchten w Łužycy wěźeł, źo lažy Waliziska. Dokulaž waliziska wubranka jo pśi Europeskem mejstarstwo w kopańcu rowno tak derje grała ako nimska, wě něnto wjele luźi, až Waliziska jo źěl Zjadnośonego kralojstwa Wjelika Britanska-UK. Nejwěcej woblubowany sport tam pak njejo kopańca, ale rugby.
Wěcej ako dwěsće lět jo był industrijowy region, dokulaž su tam južo w lěśe 1750 namakali kamjeńtny wugel. Pśez industriju jo měła źěłaśerska klasa wjeliki wuznam. Tak njejo cerwjena chórgoj wunamakanka komunistow, ale prědny raz su ju pokazali waliziske źěłaśerje pśi štrajkowanju w lěśe 1831. Akle w 1980ych lětach jo se chylała doba wjelikeje industrije ku kóńcoju a góspodarstwo jo se wěcej koncentrěrowało na rolnikarstwo, rybarstwo, turizm a kubłanje, wósebnje we waliziskej rěcy. Źinsa ma Walziska hyšći jadnu wuglowu jamu (Kohlemiene), źož źěłaju skoro jano chinske a awstraliske luźe.
Chtož co na amśe źěłaś, musy wobej rěcy rozměś
