W slědnem Rozhlaźe (7/8 2016) jo nawězała Nicole Dołowy-Rybińska na diskusiju wokoło artikela Tadeusza Lewaszkiewicza a jo napisała artikel wó rewitalizaciji wobgrozonych rěcow. Wóna jo wuznam potencielnych wužywarjow a nowych wužywarjow rěcy. W nowem cysle Rozhlada pišo něnto Colett Neumannojc wó zajmnem seminarje za wuknjecych słowjańskich rěcow. Ten ma wuknikam wuwědobniś, kaki praktiski dobytk ma wob-kněženje někakeje słowjańskeje rěcy za komunikaciju w słowjańsko-­ rěcnych rumach. Tak se pódkłaźo ceło konkretnje argument, kótaryž se wužywa cesto teke k wabjenju za wuknjenje serbskeje rěcy. Dalšny pśinosk w dolnoserbskej rěcy w septemberskem Rozhlaźe jo list Jill-Francis Ketlicojc (Źilka). Ten jo źěl serije listowanja mjazy młodymi Dolno- a Górnoserbami. Wóna rozmyslujo wó identiśe a wšakorakich pśistupach k serbstwoju.

Pśi góźbje 80. narodnego dnja Jurija Kocha dopomina se Sabina Grumtowa na swóje prědne spisowaśelske kšace, kótarež jo Koch pśewóźował ako wjednik kružka młodych serbskich awtorow.