Zagronita za serbske nastupnosći města Chóśebuz Anna Kosacojc-Kozelowa jo we swójej rozpšawje 26. oktobra pśed měsćańskim parlamentom pódšmarnuła, až wóna wiźi Město ako duchny centrum serbskego sedleńskego ruma w Bramborskej. Wóna wiźi tšach, až we mega-wokrejsu z tśich wokrejsow a z Městom to serbske buźo marginalizěrowane. Napšawdu jo tak, až město Chóśebuz glědajucy na swóje finance wjele za to serbske gótujo. Teke Kosacojc-Kozelowa jo głownoatmska zagronita za to serbske.

We swójej rozpšawje jo na to pokazała, až na kubłańskem pólu jo tšach, až nowe šulske póstajenje kraja Bramborska buźo kšac doslědka. Rědownje budu tam z minimalnje 12 wuknikami pśewjelike za bilingualnu wucbu. Gaž njamaju dosć ceptarjow, deje wukniki wuknuś gromaźe z takimi wuknikami, ako njewuměju hyšći tak derje serbske . Tak kśě to zapisaś do šulskego póstajenja. To jo Kosacojc-Kozelowa ako problematiski pomjeniła.