Brězowka/Halbendorf. Nic jano slěpjańska, ale teke dźěwińska gmejna (Groß Düben) co se z mócu pilnowaś wó spěšny internet, njeglědajucy na wjelgin napněty etat. Tak jo se wobjadnała gmejnska rada stwórtk tyźeń na wobradowanju w Brězowce.

Gmejna nejskerjej njepśemóžo, swóju źělbu pjenjez za ten projekt gromadu zezběraś. Komunalny amt zgórjelskego wokrejsa ako kontrolna instanca pak jo jim zakazał nowy kredit braś a hyšći wěcej długa napóraś. Wutwarjenje spěšnego interneta słuša derje k zakładnej infrastrukturje, ale to njedosega. Gmejna jo weto winowata wurownany etat měś – jo jim pisał wjednik komunalnego amta.