Pósejźenje rady za nastupnosći Serbow 29. nowembra w Pódstupimje jo było lětosa to slědne. Dnjowny pórěd jo wopśimjeł tśi boki a pósejźenje jo styri góźiny trało. Nejwažnjejše dypki comy našym cytarjam tak krotko ako móžno naceriś:

Absolwentki dostanu skóńcnje městno za referendariat na DSG

Z listom na Serbsku radu jo se wobrośiła Colett Šampatisowa (něg. Neumannojc). Wóna a dwě drugej absolwentce sorabistiki (Maria Schulcojc a Jenifer Dünnbierowa) su se pśizjawili zachopjeńk oktobra za referendariat wót februara 2017. Ale jich wuglědy su byli kradu špatne. A to dla togo, až hyšći źinsa njamaju wopismo z Lipska. Su pšosyli, lěc njamógu dostaś weto južo městno za referendariat. List, až su wobstali slědne pśespytowanje, wšykne tśi maju.