Na pósejźenju Rady za nastupnosći Serbow 29. nowembra jo Šulski amt Chóśebuz rozpšawił k tomu, wjele wuknikow serbskeje rěcy tuchylu dajo. Šulski raźc Michael Koch jo gronił, až maju licbu wót 1.607 wuknikow, kótarež wuknu serbsku rěc ako cuzu abo bilingualnje we zakładnych šulach. Jo pak pśiwdał, až jo se 24 šulow na napšašowanje šulskego amta slědk pśizjawiło. Móžo stakim byś, až jo jich hyšći wěcej wuknikow, źož šula njejo se pśizjawiła.

Wobstawnu licbu wuknikow našeje rěcy maju w zakładnych šulach w Bórkowach (161 wuknikow), Brjazynje (90) a Žylowje (140). Niske licby Witaj-wuknikow maju lětadłujko južo we Wětošowje a Bórkowach, jo gronił.

Wugótowanje z ceptarskimi góźinami jo rowno tak ako slědne lěto, jo Koch k wěsći dał. Palecy problem wiźi pak w Picnju: šulu su ako pśecej ze sedym ceptarskimi góźinami wugótowali. Na to pśidu ale jano styri wukniki. Jich licba jo w Picnju kradu spadnuła, jo Koch pódšmarnuł.