Co by było lěto 2016 bźeze Domowinskego swěźenja w Janšojcach?! Wokoło 8.000 luźi jo tam pśipódla było! We 49 wobrazach w swěźeńskem pśeśěgu su pokazali serbske žywjenje. Na tom wobrazu jo wiźeś trupa janšojskich kjarlow, kótarež su pokazali, kak stajaju majski bom. Nic jano serbske nałogi a drastwy su tam kradu prezentne byli, ale teke serbska rěc. Kuždy jo wuchwalił wjasołu atmosferu swěźenja. A luźe cakaju južo na pśiducy wjeliki swěźeń. Ten buźo pětk, 23. junija, z folklornym festiwalom w Hochozy. Foto: M. Helbig 
Kužde lěto ma něco za se – lěc to su dobre a špatne wěcy, lažy teke we wócku woglědarja. Tak jo wósebnje ze serbskim sedleńskim rumom. Nam Serbam to se spódaba, až jo se w Bramborskej serbski sedleński rum w lěśe 2016 rozšyrił. Ale ten tema jo wjelicke diskusije a woboranja wubuźił, nanejmjenjej změstymi. Nastała jo pśez to wótergi jadna zasadna diskusija, kótaraž jo we někotarych gmejnach teke pozitiwne wunoski měła. Pódla sedleńskego ruma su dalšne temy wažne byli w Casniku a pla Dolnych Serbow. Cytajśo.
Sonntag, 20.04.2025
