Zastupny jadnaŕ Domowiny Marcus Końcaŕ gratulěrujo nowo wuzwólonym cłonkam župnego pśedsedarstwa a kandidatam za zwězkowe pśedsedarstwo. Wón sam słuša tejerownosći k tym wuzwólonym. 
Turjej/Tauer. 25lětny Wylem (William) Jahnhoefer z Brjazyny jo nowy župan dolnołužyskeje Domowiny na pśiduce styri lěta. Wón jo wordował wuzwólony na głownej a wuzwólowańskej župnej zgromaźinje pětk w zalu hotela Christinenhof, źož jo se wobźěliło 62 zastupnikow Domowinskich kupkow a towaristwow (wót 80 pśepšosonych). To wuzwólenje jo se stało z wjelikeju wětšynu głosow: šesćo delegaty su se głosa zeźaržali. Wón stupijo stakim na město Haralda Końcaka z Turjeja, kótaryž dla pódłamanego strowja njejo kśěł wěcej kandiděrowaś.
Sonntag, 20.04.2025
