Pśedstawizny togo chopiju se w oktoberje 1990: Kněz E. Mühlfencl pśewzejo nadawk, pó federalistiskem systemje BRD w nowych krajach natwarjaś demokratiske zjawno-pšawniske sćelaki (Rundfunkanstalten), což ma kóńc 1991 wu-gbane byś. To groni teke: Wótwiś matej se až do togo statnje kontrolowanej ddr-ska telewiza a rozgłos – 10.000 sobuźěłaśerjow, telewizijne a radijowe programy, chor, orchester a balet.

1. junija 1991 dajo pón bramborske kněžarstwo knězoju Friedrich-Wilhelm von Sell nadawk pśigótowaś bramborski krajny sćelak (Landesrundfunkanstalt) ze startom prědnego januara 1992. Dnja 12. septembera 1991 konstituěrujo se cesnoamtska rada (Rundfunkrat) a ORB nabywa juristisku eksistencu. Kazń za to pak doźěłajo kněžarstwo bóžko akle 25. septembera.

Rozgłosowa rada jo njewótwisny gremij, jeje wobzamknjenja póstajaju źěło radija a telewize. Tych bramborskich rozgłosowych raźcow jo 23, mjazy jaden Serb, ako zastupujo „Sorbische Verbände“, toś wšo a wše serbske.