Cazojska Domowinska kupka organizěrujo wšake tšojenja we jsy a jo pśecej pódla, gaž se něco stanjo. Caprowanje, zapust, jatšowny wogeń – to su jano někotare tšojenja, źož se woplěwa serbska kultura. Ale teke stajanje majskego boma, wejsny swěźeń, camprowanje źiśi a źiśecy swěźeń su stawne terminy we našej pratyji.

Lětosa smy wušej togo gromaźe ze Šulu za dolnoserbsku rěc a kulturu něco kradu wósebnego planowali a pśewjadli. Rozmjej: We kupce smy kśěli wěcej zgóniś wót serbskeje źěłaśerki a basnikarki Marjany Domaškojc. Wóna ga jo se w Cazowje naroźiła, how bydliła a naslědku wumrěła. Jeje row na cazojskem kjarchobje jo wšyknym wejsanarjam znaty. Teke na internetowych bokach www.zahsow.de móžoš wšake wót njogo zgóniś.