Brüssel. Domowina buźo pódpěraś europsku ludowu iniciatiwu Minority Safepack, ak jo myslona k lěpšemu etniskich a ludowych mjeńšynow w Europskej uniji. Iniciaitiwa co situaciju a pšawa mjeńšynow we cełej EU zmócniś – to jo gronił na wobradowanju župnego pśedsedarstwa župan Willi Janhoefer, tejerownosći cłonk prezidija Domowiny.

Iniciatiwa jo stajona pód moto: „Ty njejsy sam“. Ju nawjedujo bergarski komitej, ku kótaremuž słušaju mjazy drugim prezident organizacije FUEV Hans Heinrich Hansen, ministarski prezident nimskorěcneje zgromadnosći w Belgiskej Karl-Heinz Lambertz, ministarka za kulturu Schleswig-Holsteinskeje Anke Spoorendonk (cłonk Pódpołdnjowo-schleswigskego wuzwólowarskego zwěstka, kótaryž zastupujo interese Danow a Frizow), hawptman Pódpołdnjoweje Tyrolskeje Luis Durnwalder a druge – nagromadu sedymjo wusoke politikarje a zastupniki mjeńšynow.