W NC 27 wót 5. julija smy pisali na 2. boce wó tom, kak se serbski sedleński rum wuwija. Mjazy drugim smy nalicyli komuny, kótarež njejsu wobjadne ze serbskim sedleńskim rumom a pśeśiwo tomu skjarže. Tam smy k wěsći dali, až teke město Wjelcej skjaržy. To pak njejo pšawje. Nawopak, Wjelcej jo sam pšosbu stajił, pótom, až běšo Serbska rada južo pšosbu stajiła.

Casnik se zagronijo za wopacnu informaciju, kótaruž njejsmy se z palcow śěgnuli. Smy we Wjelcej zazwónili. Dokulaž šołtowka a jeje zastupnik dlejšy cas njejstej byłej we słužbje, smy se pšašali drugu pśistajonu w měsćańskem zastojnstwje. Wóna jo nam tu wopacnu informaciju dała. Slědkoju pak smy dostali pokazk, až jo to wopacna informacija, a smy se pla šołtowki wobkšuśiś dali, až jo Wjelcej něnto oficialnje we serbskem sedleńskem rumje.