Něnto su lěśojske ferije. To comy našym cytarjam a lazowarkam pśinjasć lěśojsku lekturu. Chtož se zajmujo za rědnu staru serbsku rěc, móžo wóne teksty pśewórowaś – za druge buźo radny pśekrot (Zeitvertreib).

Tekst jo napisała Božena Němcowa (1820-1862), ako buźo woglědana ako załožowarka českeje moderneje literatury. Z jeje stwórbami jo pokazała, až teke česka rěc se góźi za wusoku literaturu. Wóna jo česku prozu stwóriła a ako zakład wužywała powědanu ludowu rěc. We Słowakskej a někotarych rožkach Českeje jo zběrała ludowe basni a jo se wjelgin zajmowała za wšedny źeń jadnorych luźi. Což jo wuzgónjowała, jo w bajkach a wulicowańkach publicěrowała.

Pśi tom njejo Božena wuměła wót zachopjeńka wjelgin derje česku rěc, ale jo w Praze hyšći šła na kursy českeje rěcy, ako jo 20 lět stara była. Do kontakta z literaturu jo wóna pśišła pśez nimske knigły.