Noc muzejow we łužyskej muzejowej krajinje buźo skóro, a tam móžoš něco nawěźeś. Glědaś, słyšaś, cuś, rejowaś a grěbaś w zemi, to wšo maju we programje za wjacor 9. septembera. Až do nocy pšose muzeje, zwětšego we wokrejsu Sprjewja-Nysa, do swójich wustajeńcow. Wšuźi buźo wósebny program. To buźo jadnorazna góźba za woglědarje, kuždy muzej pśez swój pyšny program na wósebny part spóznaś. Tak jo to było w slědnych lětach, a to móžomy zasej wótcakowaś wót lětosneje, 13. Nocy muzejow.

Chto buźo pódla? Kaki buźo program? To wšykno jo zgóniś było na medijowem snědanju w Janšojcach pśedzachadnu wałtoru. Wšake muzejniki a amtarje su pódla byli w tamnem Serbsko-nimskem domowniskem muzeju.