W Hochozy/Drachhausen: kokotarje zmakaju se sobotu, 19. awgust, zeger 13.30 pśi Złośanem plonje. Zachopjeńk łapanja kokota: zeger 14.00 na łuce (srjejź jsy). Zachopiś budu źiśi ze źiśownje Tyca, pótom pśiźo rěd na młoźinu. Zeger buźo 18.00 disco z DJ Tobijom.

W Janšojcach/Jänschwalde: sobotu, 19. awgust, zeger 14.00 budu rejtarje ze swójimi źowćami w serbskich drastwach pśimaršěrowaś na swěźenišćo pśi Pušćanicy (mjazy Janšojcami a Pipanojcami), prědku nich budu trjekarje ze jsy jěś. Graś budu gercy „Original Prostataler Blasmusikanten“. Pó łapanju kokota a wózenju žabow, k wjacoru, buźo we stanje (Zelt) reja, zachopjeńk: zeger 19.30 z kapału „Trachtenkapelle Scheuring“ a z DJom Dr. Taste z Chemijoweje fabriki w měsće.

Chtož njepśemóžo w nocy domoj pśiś, ten móžo ned wóstaś: na druge zajtšo, njeźelu, buźo how swěźeń dujarskeje muziki!

W Strobicach/Ströbitz: sobotu, 19. awgust, wót zeger 14.00 budu łapaś kokota na Šułtcyc roli (pśi Kwětkowej droze). Zeger 18.00 budu rejtarje ze źowćami pśimaršěrowaś na Nevoigtowe naměsto, źož buźo reja z live-muziku (zastup: 5 euro).