W Turnowje/Turnow budu sobotu, 2. september, kokota łapaś. Zeger 14.30 buźo młoźina wumaršěrowaś z kjarcmy „K złośanemu kružkoju“ (na kóńcu jsy) k sportnišću, gercy wót nAund budu jim graś. Zeger 15.00 zachopijo se na sportnišću łapanje kokota. Zeger 20.00 buźo w kjarcmje „K złośanemu kružkoju“ reja z band Sound Up. Pśiglědarje budu móc se dodosća najěsć a napiś.

W Žylowje/Sielow budu pśi sańkowej górje swěśiś žnjowny swěźeń, a to sobotu a njeźelu (2. a 3. september). Wósebnosć togo swěźenja jo, až młoźina buźo jen swěśiś gromaźe z lubowarjami trjekarjow. Sobotu budu te trjekarje stojaś we srjejźi cełego tšojenja. Młoźina buźo pśipódla wrota stajaś a pyšniś, źož na drugi źeń, njeźelu, budu kokota łapaś. Wumaršěrowaś budu zeger 14.00 wót cerkwje. Wjacor 20.00 buźo reja z liveband Silent Green.

Chtož njewě: sańkowa góra lažy na lěwu ruku za kjarchobom. Pśed cerkwju (wót města glědajucy) dejśo se wót šoseje na lěwy bok wótchyliś.