Drjenow/Drehnow

Łapanje kokota

Sobotu, 9. septembra, buźo zeger 15:00 wumarš wót wognjoweje wobory. Swěźeńska łuka jo najsy, źož jo zwónowy turm. Wjacor zeger 20:00 budu reje w Jagarskem dwórje ze „Sound up“.

Brjazyna/Briesen

Łapanje kokota

Njeźelu, 10. septembra, buźo zmakanje zeger 13:30 pśi starem (błośańskem) dwórnišću, źož jo něnto gósćeńc. Zeger 14:00 buźo wóttam wumarš. Marš pak njebuźo daloko, dokulaž swěźeńske pólo jo w bliskosći dwórnišća. Nejskerjej budu styrjo rejtarje wójowaś wó cesć žnjownego krala. Nanejmjenjej šansa na jaden wěnk njejo z tym špatna. Młoźina grilujo a pśedawa piwo a druge piśa.

Prjawoz/Fehrow

Łapanje kokota

Prjawoske łapanje kokota zachopiju sobotu, 9. septembra, zeger 21:00 z rejami w sportarskem domje.

Njeźelu, 10. septembra, buźo zeger 14:00 wumarš wót Lukasojc gósćeńca. Zgromadnje z „Błośańskimi gercami“ maršěrujo młoźina na swěźeńsku łuku pla sportnišća.