Na premjerje Pratyje w Radowize: cytało jo se a teke fota prědku na płachśe su se woglědali. 
Radowiza/Radewiese – tak se groni małej serbskej jsy mjazy Móstom a Janšojcam. Wó tom, wót co to mě pśiźo, se wšake groni. Mjazy drugim to, až w tom štycytej tej słowje „rad wiźone“. Jolic k tomu jo, pón móžoš to wiźeś tak abo hynac. Na jaden part by mógało to groniś, až Radowizarje rad wiźone, witane su. Na drugi part pak móžomy sebje to tak wujasniś, až su cuze, druge luźe w Radowizy pśecej rad wiźone, witane.
Freitag, 19.04.2024
