Rowne/Rohne. Wjas Rowne jo se ako źěł slěpjańskeje gmejny wuspěšnje wobźěliła na lětosnem wokrejsnem wuběźowanju „Naša wjas ma pśichod“. Jo pśišła na tśeśe městno. Wósebne myto za cesnoamtske źěło jo dostał wjednik first-responderoweje kupki, André Nowuš, To pišo wejsny zastojaŕ, Matthias Jainsch, w aktualnem gmejnskem łopjenje gmejny Slěpe. Wón se tejerownosći źěkujo wšyknym wobźělnikam, towaristwam, kupkam a wobydlarjam za jich engažement, zwólnosć k zasajźenju a za jich ideje k derjeměśu wšych.