Tśeśu njeźelu pśichoda, 17. decembra, jo se swěśiła tradicionalna Łužyska namša w chóśebuskej Nimskej cerkwi z mócnym serbskim późělom. Pód Lutherowym motom Take njejsmy hyšći, ale buźomy stej wuwitałej wušy promšt Martin Herche a wósadny faraŕ dr. Uwe Weise namšarki a namšarjow z bliska a z daloka. Wósebnje stej se wuźěkowałej rucnikarkam a rucnikarjam za jich źěło na dobro regiona. Namšu su toś sobu wugótowałej pjakarska mejstarka Cindy Lohse z města, restawratoŕ a tyšaŕ Christoph Schröter z Brjazowego Ługa/Breslack pla Gubina a teke faraŕ Burkhard Behr, wjednik nowozałožonego Centruma za dialog & změnu EKBO, kenž jo zaměstnjomy na farje w Kórjenju. Namšy su słyšaš byli tśi serbske rěcy: psalm a zapšosbu jo cytała dr. Christiana Piniekowa z města dolnoserbski, predikant Manfed Hermaš jo cytał epistlu górnoserbski a ewangelium w slěpjańšćinje. Na kóńcu jo wušy promšt Herche pśibytnych, mjazy nimi žednych serbskich namšarjow, teke na serbske žognował. Muzikaliski wobrubiłej stej namšu dr.