Wjas Grüttow njedaloko Anklama w Mecklenburgsko-Pśedpómórskej jo w lěśe 1183 ako „Gruttecowe“ prědny raz pisnje wobspomnjona. W našej rěcy by se źe pisała Gródekow. W mjenju štycy wóznam „mały grod“. Njedaloko jsy su pówóstanki słowjańskego groźišća. Njepósrědnje pśi wujězdźe dalnodrogi B 110 do Gródekowa-Grüttowa stoj cerwjeny zornowcowy kamjeń. Wobrazowemu kamjenjoju se groni „Wartislaw-Stein“. Wón sega něźi mejtaŕ ze zemje. Pada-li na njen swětło zboka, póznajoš do twardeje płonje zaškrabany wobraz muskeceje wósoby.