Zapustowaś budu tenraz we wušej 50 jsach

Von Horst Adam Mittwoch, 17. Januar 2018

Na kóńcu togo tyźenja se zachopijo w Dolnej Łužycy zasej cas zapusta a camprowanja. Ten prědny wjasoły ruš buźo toś sobotu, 20. januara, w Bórkowach, źož swěśe ga 125. zapust. Dogromady móžomy lětosa až do srjejź měrca dožywiś toś ten woblubowany serbski nałog pśisamem 55 raz we wokrejsach SPN, OSL a LDS a w měsće Chóśebuz, a to ze tradicionalnym pśeśěgom a z camprowanim. W młogich jsach, wósebnje w bórkojskich, chóśebuskich a picańskich stronach, wugótuju wušej togo hyšći muskecy zapust za ženjone.

Wó tom jo było to grono, gaž su se slědny tyźeń zmakali w Serbskem domje w Chóśebuzu cłonki młoźinskego aktiwa Domowinskeje župy Dolna Łužyca. Na njom ga su powědali wó tom, co Domowinska župa Dolna Łužyca w lěśe 2018 z młodymi cłonkami (něźi 400 cłonkow w 9 młoźinskich Domowinskich kupkach) a dalšnymi młodostnymi w serbskich jsach co wšykno naźěłaś. Mimo zapusta jo to wósebnje to łapanje a zabijanje kokota, kenž buźo lětosa w pśisamem 25 jsach.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen