Na zachopjeńku kuždego lěta jo Serbski ludowy ansambl (SLA) ducy ze swójim programom „Zapust“ a „Ptaškowa swajźba“. Za źiśi jo wósebne pśedstajenje. Za dorosćone buźo to dnjach 19., 20. a 21. januara, za źiśi 31. januara. Na co móžośo se wjaseliś? To a druge smy kśěli wěźeś wót Jany Krügeroweje. Wóna jo pla informaciskego centruma Dolna Łužyca wót ansambla pśistajona. Z njeju jo se rozgranjała Stefanie Krawcojc.
NC: We pśiducych dnjach pśiźo Serbski ludowy ansambl do Chóśebuza, Noweje Niwy a Hochoze. Co budu woglědarjam pokazaś?