Kak reagěrujo Iniciatiwa za Serbski sejm na dr. Leipnerowe słowa? Dr. Martin Krawc z Budyšyna jo nam gronił, až to buźo tema pśiducego wobradowanja wokoło jatš. Tam se akle pokažo, lěc se namakaju luźe, kótarež kśě źěłaś we wuzwólowańskej komisiji. Cłonkam jo za jogo zdaśim wědobne, až budu musaś se gromadu zebraś a njamógu se źěła wobijaś. Wón njecwiblujo na tom, až luźe se namakaju.

Krawc jo nam wobwěsćił to, což dr. Leipner kritizěrujo: až wětšy źěł cłonkow iniciatiwy chyla se doněnta k tomu, až kśě to wuzwólowanje skóro wuwołaś (zu Wah-len aufrufen). Wuzwólowarje a potencielne kandidaty deje wordowaś informěrowane, a akle z tym aktom dej se pšawa zjawna kampanja zachopiś. Jano tak dajo se za jogo zdaśim interesa luźi pśiśěgnuś, howacej su wšykne diskusije pśeliš teoretiske a interesěrowana zjawnosć bywa mucna. Termin wuzwólowanja pak njejo hyšći wobzamknjony.