Sakski krajny sejm jo 23. měrca 1948 „Kazń k wuchowanju pšawow serbskeje ludnosći“ wobzamknuł. To jo było pśed 70 lětami. Za cas NDR (DDR) a teke pó pśewrośenju 1989/90 su se Serby a Nimce cesćej z tym historiskim tšojenim zaběrali. Pśed 20 lětami jo na pś. Serbski institut kolokwium k tomu w Budyšynje pśewjadł. Pśinoski historikarjow, ludowědnikow a juristow su se w informaciskich łopjenach kšywowego zwězka Łužyskich Serbow publicěrowali (Domowina-Info, März 1998). Mamy pak źinsa nowe kazniske rědowanja za Serbow w Bramborskej a Sakskej. Cogodla dejmy pótom na toś take tšojenje spominaś?