Nowy Casnik: Kněni Budarjowa, Wy sćo pśedsedarka Serbskego šulskego towaristwa z.t. (SŠT). Cośo nam něco wót togo wulicyś?

Ludmila Budarjowa: Som 27 lět pśedsedarka SŠT, stawnje zasej direktnje wót cłonkow we pótajmnem wuzwólowanju wuzwólona. To jo cestnoamtska funkcija, bźez płaśenja, wšo cynim w lichem casu. Mój wosebny zaměr jo, serbsku rěc a kulturu zachowaś a dalejwuwijaś a w Dolnej Łužycy tu rědnu dolnoserbšćinu, kótaruž wjelgin lubuju, rewitalizěrowaś. Wjaselim se wjelgin, až jo so nam to wósebnje w Žylowje raźiło, źož stoj kólebka Witaj. Zawěsće jo hyšći pśemało młodostnych, ako serbski powědaju, ale trjebamy sćerpnosć a w źiśownjach w drugich nosarstwach Dolneje Łužycy wěcej pódpěry z boka komunow a stata. Som sorabistiku, rušćinu a pólšćinu w Lipsku gromaźe z njabogeju Christu Elineju študěrowała, kótaraž jo mě, mimo mójogo starego nana Michała Nawki, za Dolnoserbow zagóriła.

Wjele cłonkow ma Serbske šulske towaristwo (SŠT) tuchylu a wjele luźi źěła sobu?