We Wodowych Hendrichecach (Seifhennersdorf) su srjejź apryla pśewjadli centralnu olympiadu serbskeje rěcy. Organizěrowana bu zasej wót Serbskego šulskego towaristwa. To wuběźowanje jo było zasej za wuknice a wukniki we Dolnej a w Górnej Łužycy 6. rědownje, a to tśi dny dłujko. Lětosa jo se 71 źowćow a gólcow wobźěliło. Połojca jich jo wobkněžyła to serbske ako maminu rěc. Kužda olympiada ma jadnu wósebnu temu, lětosa jo to była wóda.

Na zachopjeńku su wuknikow do jadnotliwych kupkow źělili, za tym, kaki rěcny niwow su južo dojśpili. Kuždu kupku jo jaden študańc nawjedował. Zgromadnje su se zaběrali z temu a su wugótowali jaden plakat k tomu. Tak su zwucowali serbsku prezentaciju, za jury.

Maminorěcne Serby su napisali nastawk na serbski, wše druge su pisnje wótegranjali na pšašanja. Wšake projekty su pśewjadli, grali, rejowali a spiwali. Wóne nadawki jo Margot Hašcyna pśigótowała za Dolnoserby.

Wóda jo teke była tema wustnych a pisnych pśepytowanjow.

Rěcny niwow lětosneje olympiady jo był wurownany, jo groniła Ludmila Budarjowa.